Më shumë se një ton kanabis që dyshohet se është i lidhur me një organizatë shqiptare të krimit të organizuar është sekuestruar në veriperëndim të Melburnit .
Mediat raportojnë se një burrë dhe një grua janë arrestuar pasi oficerët kontrolluarn pesë shtëpi në Deer Park, Rockbank, Greenvale, Taylors Hill dhe Taylors Lake të martën.
Një shqiptar 47-vjeçar që policia pretendon se ishte drejtuesi i organizatës u arrestua. Po ashtu në pranga u vu edhe një grua 44-vjeçare kolumbiane.
Më shumë se 260 bimë kanabisi u sekuestruan nga shtëpia e Taylors Lake, 185 nga Deer Park, 200 nga Rockbank dhe 100 nga Greenvale.
Në pamjet e një prej bastisjeve, oficerët e policsë shihen duke transportuar thasë të mëdhenj me kanabis në një kamion.
Droga në total kapte vlerën e 5 milionë dollarëve, ndërsa policia sekuestroi edhe një sasi prej 200 mijë dollarë.
47-vjeçari u ndalua për t’u paraqitur në Gjykatën e Magjistraturës së Melburnit më 8 janar. Ai u akuzua për kultivim dhe trafikim të sasive të mëdha të kanabisit dhe posedim të produkteve të veprës penale.
Ndërsa 44-vjeçarja u lirua me kusht për t’u paraqitur në gjykatë në të njëjtën ditë. Ajo u akuzua gjithashtu për kultivimin dhe trafikimin e një sasie kanabisi.